الراحل الاستاذ عبدالمنعم حسيب ورايعته عيونك


عيونك كانوا في عيوني
يصدوني
وينادوني
أخاف لو قلت حبوني
واقول إمكن يحبوني
ويعزوني
ويصافوني
عيونك كانوا في عيوني
*****
أصبِّر بي هواك البال
وأزرع قلبي بالآمال
عشقتك وكنت عندي خيال
مجرد حبي ليكا محال
أداريهو
وأخليهو
واخاف من قلبي يحكيهو
عيونك كانوا في عيوني
*****
ظروفنا تحرِّم اللقيا
تعادي الحب ولو طاهر
يعيش في خوف من الدنيا
ويكون مكتوم وما ظاهر
فكيف إحساس تحسو الناس
نضيق بيهو
ونعاديهو
وكل الكون يشك فيهو
عيونك كانوا في عيوني
*****
يا حبيبي
لأنك إنت عفيف
رقيق بتخاف من الأشواك
تعال نتحدى حد الخوف
تبوح بهواي واقول أهواك
ونكون ظاهرين وما خايفين
نعيش ليهو
ونذوب فيهو
ونجاهر للأنام بيهو
عيونك كانوا في عيوني
*****
نحاول نبرز الإخلاص
وزادنا البهجة والنشوة
نفتِّح في قلوب الناس
مشاتل من حنان حلوة
نقول ليهم
ونوريهم
معانيهو
وأمانيهو
ونفخر للجميع بيهو
عيونك كانوا في عيوني

الملاك

الملاك يا ناس
الساكن جنبي
من نظرة وبسمة
ملك قلبي

*****

حبيبي يا غالي
نجواك في خيالي
دوام على بالي
ذكراك يا سميري

*****

سعادة يوم
يا ريتا تدوم
والفرحة تعم
تملا قلبي

*****

هواهو سرى
في دمي جرى
هل يا ترى
بسأل عني

*****

ساكن قربي
وسالب جهدي
أول حبّي
الروح تفدي

*****

ملكني هواهو
وبهرني سناهو
لي يوم لقياهو
بتم سعدي

كلمة
كلمة واحدة وكلمتين
يا النسيت بتعود متين
الفؤاد مترجي حنَّك
وكل لحظة بسألني منك
وانت غايب ليك يومين
وين حنانك وانت وين
إنت ليه قسيتو قلبك
وفي الغرام اضنيت محبك
والقمر من فوق بيشهد
إن ساهر وطرفي مسهد
أرعى حبي وليلي يمتد
وانت كم أخلف وأوعد
كل مرة أقول أعاتبك
ولما أشوفك أقول أحبك
الفؤاد اشتاق لقربك
اشتاق كتير اشتاق إليك
واللحون غناها ليك
ليلو مشغول بيك عليك
وراجي أفراحو ومجيك
يا حبيبي عليك ربك
كيف تعود واسعد بحبك

يا قلب لا تبك الذي باع الهوى
لملم جراحك لا تقل ما أضيعك
وإذا الحنين تأججت نيرانه
وهفت بك الأشواق فاحبس أدمعك
وهماً ظننت بأنه قد ضيعك
ما ضيعك
لكن أضاع وجوده
وعهوده
وأضاع معنى عمره لو يسمعك
ماذا يكون بغير حبك يا ترى
من غير ليلات نديات الرؤى
كانت معك
يا قلب لا .. لا تبكه
علمتك كيف العيون إذا أحبت
فاضت الأشواق فيها دون حد
علمته طعم المساء
وحلاوة اللقيا
وليلات السعد
لكنه نسي الحنان جميعه
وأضاع حبك وابتعد
يا قلبي لا .. لا تبكه
كل الذي استعدت رؤاه بمقلتيك
ذوى ومات
لا تبكه
ما عاد شيء يشتهى
ما عاد حتى في شتات الذكريات