منك طلع خوف الوجع
سيبك بلاش
ما تبقى خوف
ابقى الصمود
ما تبقى خوف
ابقى احتمال نبض الحروف
ما تبقى خوف
***********
منك بدت خطوات مسير عمرى المعطر بى شذاك
فرح السنين اعتز بيه شان انتى فال ونبيل هواك
دفقك بحر .... ليلة خريف
زخات تهش منك سنا
يا راجعة فى الزمن الوجيع
قلبى المعذب فى رجاك
ما تبقى خوف
************
ابقى المباهج والضريح
خلينا فى ضل نستريح
نعبر مدن اعماق خيال
نتغنى باللهج الصريح
السمحة جاية وما فى خوف
الجاية من كل الظروف
مرسومة فى لوحة جمال
مرتاحة فى قلبى الشغيف
****************
ابقى احتمال طولة مجيك عاودينا فى اجمل فجر
يا القادلة فى توب العفاف بى هيبة خايلة عليك تمر
راجين عيونك لو تبين فى لحظة مشوارك عصر
بى لهفة نفرح وليك نقيف لمن خيال طيفك يمر
ما تبقى خــــــــــــــــــــــــــــــــــــــــوف
ابقى الصمــــــــــــــــــــــــــــــــــــــــود