يا حافظ يا اخوى هم الجماعة ديل حقو يعملو احتفال كبييييييير انها انتهت تلاتة
والله لو الترجى فى احسن حالاتو كانو اخدو تسعة طويلة
انت ما شفتهم نزلو الملعب مخلوعين كيف لامن التلاتة خشن برضو مخلوعين
والترجى اللاقوهو ده احسن منو اى فريق درجة تالتة
والخوف من تكرار التلاتة هنا برضو
الى الكونفدرالية
كفاية السنة الفاتت فضحتونا فى المجموعات

والله ياجماعة الكوره غالب ومغلوب ...........يوم ليك ويوم عليك

لكن طبعا ما طوالي عليك ..............

انا طبعا ما قصدي اي حاجة .......لكن الناس البتكلمو عن الخمسات دي يتزكرو كان في سبعات في الاردن وفي الفترة ديك كان احسن علاج في الاردن

غايتو زمن عجيب ناس تمشي تتعالج وناس تمشي تمرض ولا تموت ولا شنو ما عارفين.................

شهدت أسواق العاصمة السودانية أمس ارتفاعاً ملحوظاً في أسعار الحمصية والسمسية وحلاوة فولية!


* كما شهدت أسواق المحاصيل ارتفاعاً شاذاً في أسعار الحمص!


* اهتموا بالترجي وتركوا الإسماعيلي، حتى أفاقوا على طعم الحمص!


* خرج الهلال من مولد الدراويش بدون حُمص!


* الإسماعيلي فريق ضعيف، لكن الهلال افتقد نجمه الكبير مارنجي فخسر!


* فيلم الموسم: (إسماعيلية رايح جاي) بطولة منير الإنتر!


* يا مبارك البلال: بطولة الجعرانية كييييف؟


* ومتى سيتم تكوين لجنة التحقيق في مسببات رش المقبرة؟


* ومن الذي أحضر العصير هذه المرة؟


* أضحك مع الحبيب حاتم التاج، قال الهلال افتقد هاليفا!


* وصاح كامبوس كااااريكا، على وزن هاليييفا!


* أفتح يا حُمص.. أقصد يا سمسم!


* ويا سمسم القضارف!


* على ذمة الحبيب عبد المنعم النقر: شارع أم بدة السبيل، مسفلت ستة مسارات، رايح جاي، وكمان (منير)!


* هدايا ود الإنتر لا يعلى عليها!


* هل يريد الهلال الفوز بلقب دوري الأبطال بالتاج وود الإنتر وهاليفا وأحمد روني؟


* برشة علاء الدين امتداد طبيعي لبرشة مرق!


* سقط علاء الدين دون أن يمسه أحد، ترى من سقاه العصير؟


* ومتى ستقام موقعة رش الاعتبار؟


* وهل خسر الهلال بفعل سُفلي الدراويش؟


* سألنا قسم خامس: لقيتوا ملعب رادس كيف؟ ونسأله نحن: لقيت (المغبرة) كيف؟


* اذهبوا فأنتم المُحمصين!


* وكتب: مريخ ما بعد الأبطال، ونكتب نحن: هلال ما بعد الجعرانية!


* على ذمة الحبيب التاج البرير: انتقلنا من مرحلة الهلال (الخمساوي) إلى مرحلة الهلال (الحمصاوي)!


* إسماعيلي ون أكثر مما تتحمص!


* نتوقع مواجهة جديدة بين الهلال والترجي في الكونفدرالية!


* غداً يعود مراسلكم الحربي حموصة أقصد حووصة لمتابعة أحداث تفجيرات المقبرة الانتحارية فترقبوه!


* آخر سمسية: كلما حضر الهجين، ظهر الطين والعجين!


* وآخر خبر: دراويش غلبوا مُداح!!