يا رؤي ويا ايموومحمد ومحمد (محمد دبل ) ويا مهوية وكل دكاترة المنتدي

عايزين شوية معلومات عن أثار تعاطي بعض الأدوية بصورة مستمرة أو بصورة مزمنة

ما هي اخطار إستعمال هذه الأدويه

وإذا كان لابد من هإستعمالها ما هي الجرع المناسبة

وكيف يمكن التقليل من إستعمالها حتي لا تضر بنا
.............................................
من هذه الأدوية بالبلدي كده عشان ما بعرف اسمائها العلمية

1/ الفوتركس (fotrex) (حبوب الرطوبة )
2/المفيناك (mefenac)
3/البندول ومشتقاته
4/البخاخ (بالنسبة لناس الأزمة )

أفيدونا ولكم خالص شكري وتقديري

السلام عليكم ورحمه الله
انا حاجاوب ليك من راسي بدون بحث في النت
لاني بحس ان الفي راسي اقرب
والبنققص اجو اتمو ليك ناس روي ومحمد
بالنسبه للفوتركس هو (NSAID) يعني من ذيو وذي الاسبرين ذي الاندوميساسين(بياخدوه ناس القاوت لتخفيف الالم بس مابقلل القاوت ) وغيرهم
ديل مهمتهم انهم بيمنعو تصنيع ماده اسمها بروست قلاندين تحديدا ومواد اخري في الجسم تصنع عند حدوث الالتهاب اسمها INFLAMOTORY MEDIATOR بالعربي وسائط الالتهاب اذا المواد دي قل تصنيعها في الجسم الالم والحمي والاحمراروعدم القدره علي تحريك العضو الملتهب واي ورم بيقل نفس المواد دي هي بتعمل غطاء الغشا المخاطي المبطن للمعده فبالتالي انت بتكون قللت الالم ونقصت الغطا المبطن للمعده وبرضو من ضمن المواد المصنعه ماده تساعد علي التجلط في الدم
نجي نشوف لو الواحد بدي يستعملل في المسكنات الفوتركس والاسبرين وغيرها من NSAID البحصل شنو
-لو الواحد عندو مثلا وجع ضهر او صداع او حمي او التهاب في المفاصل لكن ماعندو مباديء قرحه او حرقان بتخفف عليه الالم شديد لكن بتعمل ليه ذي حرقان بسيط والام في المعده لو بلعهم علي الجوع وممكن لو بلعهم كتير جدا بدون استشار طبيه يسبب لنفسو قرحه دائمه بالمعده لان بيكون الغشا المبطن للمعده اتشال وبقت المعده مباشره تحت تاثير الحامض الهاضم HCL ولاحظ القرحه اتسببت والماده المجلطه للدم نفس العلاج ده منع تصنيعها معناتها القرحه الفي لمعده دي حتنزف والواحد استفرق دم
- اما من الاول لو الواحد عندو مبادئ تقرحات في المعده وبيشعر بحرقان المفترض مايبلعهم نهائي لانو لوبلع الNSAID وفي اصلا تقرحات طوالي حتنزف القرح الفي المعده والواحد حايستفرق دم
وياهنويه نفس الماده الاسمها البروستاقلاندين دي بتعمل توسيع للشعب الهوائيه فالفوتركس والاسبرين وغيرهم من الNSAID لمن يمنعو تصنيعها بيحصل شويه ضيق في الشعب الهوائيه عشان كده ناس الازمه ممنوعين من انهم ياخدوهم الاتنين ما الاسبرين بس
يلا الحل شنو في خطوتين في تصنيع البروست قلاندين وباقي الوسائط الاتهابيه الخطوه الاولي بانزيم اسمو COX1 والخطوه التانيه COX2 البتصنع بعد COX1 ده هو المحتاجين ليه في المعده والبتصنع بعد COX2 ده هو البزيد الالتهاب في دوا جديد طلع بيشتغل بعد COX2 يعني شنو يعني بعد مااتصنع المحتاجين ليه في المعده حتي يبدي يمنع تصنيع المساعدات علي الالتهاب يعني استخدامو مابيعمل قرحه لكن لو في قرحه بتنزف لان مانع التجلط مع COX2 الدوا ده اسم سلكتين SELKTEN يعني ده افضل من الاسبرين والفوتركس
والمفناك نفس التركيبه
في تخوف من ان الNSAID ممكن تسبب امراض القلب والارتخي في عضلات القلب
وممنوع منع بات ان تصرف لشخص دخل او داخل عمليه توصيليه في القلب BY PASS HEART SURGEARY
وممنوع للحوامل والمرضعات
وممنوع للاطفال الاقل من 2سنه
علي خفيف كده بالنسبه للبندول مامامضر الا في حاله الواحد يبلع اكتر من 20 حبه في اليوم بيعمل فشل كبدي
اما حبه وحبتين في اليوم مابتعمل حاه
بالنسبه للبخاخ نفعو اكتر بكتير من مضارو بس الواحد بيبقي معتمد عليه كليا والاولي نعمل تمارين للعضلات حول الشعب الهوائيه عشان مايحصل ليه ارتخي التمارين بالجري طلوع السلالم حتي لو بتتدعب الواحد لكن مع مرور الزمن بيكون مرن الشعب لكن لو الواحد طوالي بياخد في البخاخ ومامدي فرصه للعضلات انها تجتهد وتنفسو بيحصل فيها خمول وضمور
الباقي نخلي ناس روي ومحمد اجو اتموه

هنوية راجعى الرابط دا فيه اى حاجة عن البنادول
http://www.alhasahisa.com/montada-f8/topic-t1921.htm?highlight=%D8%A7%D9%84%D8%A8%D9%86%D8%A7%D8%AF%D9%88%D9%84
والباقى فى السكة انشاء الله

ايموومحمد كمال تسلمو علي المعلومات

وانا في انتظار المزيد

شكرا

والله معلومات هامه جدا تسلموووووووووووووووووووون