يا دنيا ليه دايما كده
كل الظروف متمردة
حظ الشقي الما خلّا باب
في الدنيا لافي مُحّددة
لا طال حلم لا طال نصيب
بقراية كوم متعددة

يا دنيا ليه دايما جري
ما تقيفي مرة واصبري
مستعجلة ولاحقة الشنو
ما كوم حصادك مُهتري
والفايدة مبلوعة في كروش
تاجر ضلال أو مفتري

يا دنيا ليه دايما عذاب
أسفار بعيدة واغتراب
كان فيها ايه لو خير بلد
بالعدل مقسوم بالحساب
ما الخير كتير ما بدور سفر
وضياع عمر محسوب سراب

يا دنيا ليه دايما حزن
دايما دموع وقلوب تئن
وسواد كثيف دخان ألم
نابع من القلب السِخِن
وغراب كلام بوم الفقر
ساكن معشعش في البدن

يا دنيا ليه دايما ضلام
وغيوم مكدسة ليلا دام
وسكون عجيب مبتور لسان
محروم بيهمس بالكلام
وعيون مقدقدة بالسهر
عميانة تسبح في الظلام

يا دنيا ليه ما فيك أمان
والظلم آمر في الزمان
والخوف دخل نخر العضم
والسوس ده هو الندل الجبان
والروح مُعّذبة بالسكوت
سِكّين عذاب وسياط هوان

يا دنيا ليه دايما كلام ..

منقول

يا دنيا ليه دايما حزن
دايما دموع وقلوب تئن
وسواد كثيف دخان ألم
نابع من القلب السِخِن
وغراب كلام بوم الفقر
ساكن معشعش في البدن

يا رؤي والله كلام يوجع
بس يارؤي حقيقي والله
اتمني ليك دايما فرح

يا دنيا !!!! ؟؟؟؟؟؟
يوجد عذاب والم وندم

واصلى يا رؤى قمة الروعه

نعيب زماننا
والعيب فينا
وما للزمان عيب سوانا
رائعة هى الكلمات ورائع الأحساس لكن .....
..... الدنيا مالا ؟؟؟ ...
عدى فات ..
زمن العيون الألفة
والحضن الملاذ ..
ورهافة الحس البنور
ضحكـة الناس العزاز

شكرا استاذ وليد لمرورك
لكن الدنيا ماهي الاشماعة
بنعلق فيها عيوبنا واخطائنا وتلقانا مقتنعين لكن...
كلنا بنرجع نقول الدنيا كدا

لماذا لا تهدأ الدنيا الا عندما
تسيل دمعة الأنســــــــــــــــــــان ؟؟
لماذا يحل هذا الظلام والغش والخداع ؟؟؟
لماذا الحقد .. لماذا الشك ؟؟؟؟
أين الحب ؟؟
أين الصدق ؟؟
أين الأخلاص؟؟
الأخت رؤى حقيقة أن الحياة أو الدنيا هي الشماعة الدائمة لنا ولكن دعينا نجتهد في اصلاح الممكن .