الزمن الفلانى
نجاة عثمان

ا
لمن اجى الزمن الفلانى
سمانا بتقطر مطر درى
وتمازج برتكانى
نسطر اسمك يا حبيبنا
في رموش غيم ارجوانى
ندمن الضحك المعافى
نحيا في الفرح المورد
ياسميني واقحواني
يــــــــــا حبيبنا
جوى عينيك عايشة ناس
بتسجل الايام اغانى
والطريق ما ببقى ساهل
ليك بالمعنى المكانى
لما يتحقق زمانى
نمسح الحزن المعشعش
في عيونك اسمرانى
يا حبيبنا
تحيا في حلم الترابلة
وفي العلاقات المعانى
وفي البقاسي شقا المسافة
وعايشة في داخلو وبعانى
لما يتحقق زمانى
بيشرق الفجر الحقيقة
والصباح الايبضاني

قلت ليها ..
إيدي في إيديها ..
دمعة حزن سالت ..
جاي منك وماشي ليك ..
يا مداين غربة طالت ..
لو مدارات نجمي ضلت ..
سكة السفر إستحالت ...
كوني في دربي الحقيقة ..
الدايمة ليها مشاعري مالت

قلت ليها وايدي في ايديها
دمعة حزن سالت
جاي منك وماشي ليك
يامداين غربة طالت
لو مدارات نجمي ضلت
وسكة السفر استحالت
كوني في دربي الحقيقة
الديمة ليها مشاعري مالت
قلت ليها ...
وكنت راجع لعينيها
من اسى الزمن المسافر
في المشاوير القصية
من متاهات الاماكن في مداها
الحزن مضناهاوحقيقة
الحزن بيني لا بينك مدار
لا محطات انتظار
ولا المواعيد القريبة
انت يا الفرح الحقيقة المستحيل
هدهدي الحزن الجميل
وامسحي الالم المخيم
في مدارات الرحيل
قلت ليها الحقيقة الضايعة بين قلبي وعيونك
اني لاعارف بدونك ابقى
كلمة حب تبث البشرى في ساعة مجيك
و انت عارفة وقلت ليك
ياني اكتر زول بريدك
ياني صفوة عاشقيك
ياني اكتر زول بريدك
وياني راكز الحيل عليك
ولسه بحبك متيم ومبتلي
الا ريدك زادني حيرة على العلي
لا مراكب القدرة ختن قلبي عندك
وانت لا قلبك نساني ولا خليل

مصطفى سيد احمد
القيمة الفنية المحتشدة
عاطفته لوحة سريالية ...تتراءى من خلال التقاطيع مع الاستاذ
يحي فضل الله .
انداحت ذاتيته عبر قوافل الابداع ..
من خلف المدائن تمازج مع هاشم صديق روعة وسحرآ .

والله ماحان التباعد والجفى والله ماأن الرحيل يامصطفى

تشكر على المرور يا الزنجى

المرأة في قوافي كلماته التي يبحر فيها مساحة حزن ... تتوه بين الق الدهشة وأنفاس المعاناة لترسو على شط الشوق فتزدان جلالآ كلما صبغ الحزن على محياها الساحر ((في عيونك ضجة الشوق والهواجس )) .. واحيانآ يركب مغامرآ للأيام وتضحية المستحيل لزرع خضرة الفرح في بواكير الأرض البكر (( وعشان أجيب ليك الفرح رضيان مشيت للمستحيل )) .

ما بين زمنآ متمنيهو محمد المهدي عبد الوهاب


ما بين زمنآ متمنيهو
زمنآ منك ذادني اســـية
طفت الدنيا عشان القاك
وانسى الحزن الطارد لي
وكان البحر الما خلانى
أعيش وبـــــــــرانى
وكان أخوان في الأنسانية
قعدت معاهم واتفاكرنا
وكم لفينا وكم ساهرنا
وكم مازحنا ليلي الصيف
وكم غنينا للحرية
وكم دارينا الحزن الاكبر
بين الصيف وجمال المنظر

وكنتى بتطلعى من عينيهم
وكتين افرحو أو يندهشو
أو يفترشو سوعد بعض
أو يتكلمو عن اللأرض وسلام العالم
وكنت غريب الجه معذب
ما أحلاهم شالو معاى الهم بالجملة
وهتفو البحر ..البحر
وجوه المركب فضلو يغنو
شوية شوية وسكت المركب
كل الناس اتنين اتنين
فرح اتكلم بلغتين
وكنت برايا
وجانى حنين الموج اتكوم
غــــور غـــور
جوه صدري
واتمنيت لو كنتى معـــــــــايا ....