وجايى تفتش الماضى ؟

خلاص الماضى ولىَّ زمان ،

وجفت مقلتى الباكية ..

ونامت من سنين أحزان ،

وجاى تفتش الماضى ؟

**

أرجع بالزمن مرة وأتذكر حكايتى معاك ..

تلاقى القصة – جد – مره

هل راعيت شعور مضناك؟!

كلما تزيدنى فى هجرك

أقول ليك زيدنى ما أحلاك

لا شفع التوسل فيك .. ولا حرمانى يوم هماك

وجاى تفتش الماضى ؟

وجيت تترجى بالدمعات...

أسامحك أنسى أغفر ليك ؟

جفف دمعك الغالى ..

مسامحك وما عشان عينيك..

عشان تتعلم الغفران..

وتصفح لو زمن جار بيك

وحاول لو قدرت كمان

تقدر رقة الحابيك

وجاى تفتش الماضى ؟

وعزة نفسى مابيه على

أسلم قلبى ليك تانى..

سنين الهجر بيناتنا

وحاجات تانية حاميانى

ولو رجع الحنين وعاود

وليك من تانى ودانى

ولو مكتوب ليَّا تانى أحب

بحب إنسان يكون تانى

الليلة بتقول نبتدي..
لازم انا انسى الحصل و ليك اجي..
وافرح عمرنا وينتشي..
انت فاكر حبي ليك لسة ندي
انا حبي ليك بدري انتهى وزي الما كان بيناتنا شئ ..

اسمر جميل عاجبني لونو كحّل سواد الليل عيونو

وعودة بي ريدي ..وأنا بالصدود موعود

بهواكي من تبيبت بهوى القوام و العود
و البسمة و الوجنات بهوى العيون السود
لمتين تحني علي يا آخر العنقود

لمتين ازورك
وبغمرنى نورك

عمر شوقنا يفيض بحر

انا كذبت عليك يا غالية..أنا يوماتي حبيبتي بخونك
لما تغيبي بغازل طيفك..ولما تجيني بدوب في عيونك
أيوه بخونك مع بسماتك .. مع رصات الدر في سنونك
أيوة بخونك بيك و بلاكي..و آسف جدا إني بخونك

انتى ياحلم الاماسى شمعة ضاوية لكل دار
زهرة فى كل المواسم كل يوم يتذيد نضار
زى فرح ماليهوا اخر شوق بعيد لى زول مسافر
وزول بيحلم بالعديلة وفرحة الريد الطويلة
وناس تجيهوا تغنى ليهوا وناس تبارك وناس تهنى

اشتاقك بدون مساحات او مواعيد