[b]ارجو ان يكون هذا العنوان باب ثابتا في المنتدي الاجتماعي نتداول من خلاله الطرايف والملح والقفشات والنوادر المختلفة لشخصيات حصاحيصية.. اسمحوا لي في البداية ان انقل واحدة من نوادر وطرف الاخ الشقيق محمد وراق والذي يعرف ب (( ورقة الرياضي)):
في حياة المرحوم الوالد وراق حسن كان منزله محطة ثابته لاولاد حاج الماحي عندما يطوفون علي الشوايقة في مجتمعاتهم خارج الشمالية.. وكان , ما ان تحط اقدامهم ارض الحصاحيصا الا وتبدا ليالي المديح بالمنزل الذي يعج بالضيوف والرواد الذين يعشقون المديح.. وكان محمد وراق يتأخر عن مشوراه المسائي المعتاد الي حين يبدأ المديح وبعد داك يكب الزوقة ليعيش ((الجو)) وكان وقتها الجميع معجب بمدحة(( اسد الله البضرع)) وكان اولاد حاج الماحي يرددونها عدة مرات في الليلة الواحدة.. وفي ذات ليلة شتوية انتهت ليلة المديح وذهب اولاد حاج الماحي يغطون في نوم عميق واحدهم (( متكرفس)) من البرد ومتغطي ببطانية محمد وراق والذي جاء متأخرا وكعادته (( مصلحا)) ووجد احد اولاد حاج الماحي متغطي ببطانيته (( وهو اصلا زهجان منهم)) قام ورقة بجبد البطانية بعنف وسط استغراب ود حاج الماحي الذي هب مذعوراً و قال لورقة ,, دا شنو مالك يازول ؟؟ رد عليه ورقة,, شنو؟؟ و مالي؟؟ الليل كلو ياخي شابكنا ,,اسد الله البضرع.. اسد الله البضرع؟؟ ما كان يضرع ليك توب تتغطي بيهو وتخلي بطانيتي دي!!![/b]

][ندعوك للتسجيل في المنتدى أو التعريف بنفسك لمعاينة هذه الصورة]

[b]الزعيم علوب مؤسس الحركة الرياضية بالحصاحيصا ومدير الاستاد رجل محبوب من الكل .. الهلال عشقه السرمدي.. رجل لا يجامل ولا ينافق .. له لغة خاصة غنية بالكلمات من قاموسه الشخصي.. رجل السهل الممتنع..: جل خدم الرياضة وفتح منزله لرعاية الحركة الفنية ومن داره تأسس اول دار للفنانين.. رجل لا تكفي هذه المساحة لبعض من مآثرهولا يسع الزمن.. لانه اصبح ثروة قومية فهو في حدقات العيون وفي حماية الشرطة لحظة اخذ هذه الصورة التذكارية مع حكمدار الاستاد جنابو البشير ارباب
نداء اخير
سوف يقوم الزعيم علوب باجراء عملية عيون الاسبوع القادم في الخرطوم نسال الله ان يجعلها له شفاء كامل [/
[ندعوك للتسجيل في المنتدى أو التعريف بنفسك لمعاينة هذا الرابط]
b]وعاجل؟؟

لا عمنا حسن في عرضك ما تبطله دي احنا بنكوس ليها كواسه شديده هنا الحياة قاسيه وجافة وناس قرف خليك معانا امتعنا ونحنا راح نساعدك وننحت ليك الذاكرة كان نلقي لينا حاجه يلا ودعتك الله

عمنا حسن زمان واحنا في عمر الشباب والزمن كان حلو والناس طيبه وزمن الكوره وماربلس وشلتنا كانت من صداح فاروق علي سيد احمد وياسر الحلفاوي وشاكر صلاح وابايزيد عبد المجيد واخوهو سفيان ..وكان في ذلك الوقت آل عبد المجيد (الاباليس) ساكنين في البيت الفي الناصيه المقابلة ناس حجاجي وعمنا عبد المجيد كان شغال في النقل المكنيكي وطبعا عبد العظيم وابايزيد وسفيان كانو ملوك السواقه السريعه في ذاك الوقت وكل يوم سايقين عربيه وكانو في اغلب الاحيان بيصلحو عرباتم براهم في البيت كل يوم انا ماشين التمرين بنسمع كو كو كو اربط ارفع نزل دور وفي مره كان ابايزيد واقف معانا وطبعا صداح ولسانه اللازع والساخر جدا والذي كان ابايزيد وسفيان من اكثر المتضررين منو وكنا واقفين كلنا بنتونس في الشارع وسامعين كركبه في بيت الاباليس وبعد شويه الباب الكبير انفتح وسمعنا صوت عربيه دورت وطلعت وكانت بوكسي تايوتا هنا نط صداح وقال والله ياصلاح مش انت صلاح والله تدخل بيت ناس الاباليس ده تطلع بكره منو تايوتا وهنا انفجر كل الحضور ضحكا وشاط ابايزيد وبدت مطارده مع صداح ومن يومها بقينا نكورك للاباليس من بره بدون ما ندخل بيتم ...

انشا الله تعجبكم

[ندعوك للتسجيل في المنتدى أو التعريف بنفسك لمعاينة هذه الصورة]
[b]

الاستاذ بابكر رملي

[/b]
ايه رأيك يابركة جبت ليك ابو الرمول بي صورتو بدون عجلة وهاك دي:
ناس رملي كان عندهم عرس في قرية الصداقة لمان كانت اسمها ( الدبة) ودي ليها قصة تانية ذكروني ليها .. المهم الحفلة انتهت في وقت متأخر جدا ومافي طريقة الا الواحد يبيت في الصداقة ..بابكر فتش ليهو في مكان يرقد فيهو ما لقاهو والبيت كان جنب مدرسة الصداقة الابتدائية.. ابوبكر لمان زهج من ناس العرس قال ليهم: مشيرا بيده ناحية المدرسة..
اقوم ابيت ليكم في سنة رابعة والله شنو؟؟!!

يديكم العافية عمنا حسن والخ مبارك عثمان انا جد من زمن ما ضحكته كده بس ياعم حسن انا مستي قصة الدبه (الصداقة الحاليه) ياريت ما تطول وياجماعه ما تطولو واتحركو معانا الايد الواحده ما بتضحك ولا شنو ؟؟؟؟؟

... ابوعلى .. وبركة الله يديكم العافية وكترو لينا من دا .. وياريت تكترو لينا من هاشم كبير والعشش وووو ..

[color:7350=red[color=darkred]][b]العقيد شرطة معاش حيدر حسن خلف الله من مشاهير الحصاحيصا الذين لا يمل الجلوس والاستماع اليهم يتذكر الكثير من المواقف الطريفة..قبل التحاقه بالشرطة في مطلع السبعينات كانت أندية الحصاحيصا حافلة بالرواد والأنشطة المختلفة وفي ليالي رمضان تقام مسابقات الكنكان بجوائز مختلفة.. جلاليب.. قمصان ..ثياب نسائية الخ. وفي منافسة جائزتها جلابية العيد وصلت التصفيات النهائية من عشرة متنافسين بنظام ( الساقية) الي 4 فقط كان حيدر بينهم وهو صاحب اقل ( اسكور) وهو الوحيد خارج الزون أما البقية , هاشم كبير وهاشم التتر ومحمد وراق جميعم داخل الزون باسكور عالي. طمع حيدر في الفوز بالجلابية ورفض مساومة منافسيه و أصر علي اللعب وسط جمهور غفير من المتفرجين . بدأ ثلاثتهم في شن حرب نفسية علي حيدر ..بالتقريق..والتريقة.. يبدأ التتر بالنزول محافظا قائلا" المابي الصلح ندمان يا جماعة" ..وفك البايظ لورقة الذي وقف علي حيلو مرددا ..ندمان يا صبايا دلوني ع النزول .. ليفرغ مابيده (ويصبح علي كرت) بعدأن رمي البايظ لهاشم كبير الذي رمق حيدر بنظره ساخرة وهو يفتح الورق ليدخل حيدر الزون.. مخاطبا (( بعد دا يا أبو الحياضر إلا تحنسنا نحنا كان تطلع ليك بطاقية من الجلابية.)) يتواصل اللعب علي نفس المنوال ويقوم الثلاثة بإقصاء وإخراج حيدر من المنافسة ليتجمع اصحاب حيدر من أبناء المايقوما في لوم وعتاب وانتقاد له ولم يجد ما يقوله لهم سوي.. والله أنا الغلطان معقولة بس , الواحد يقلع ليهو جلابية من تلاتة ترزية؟؟(الجماعة الثلاتة كلهم من اوائل الترزية بالحصاحيصا)