قفشات وطرائف من مجتمعات الحصاحيصا

التحية لك يا أستاذ حسن
في رمضان كان الفطور قدام البيت وبعد ما خلصنا دخلت البيت أتوضأ ورجعت أحصل الجماعة على الصلاة فوجدت سامي أخوي واقف يصلي واستغربت لأنه ما كان متعود على الصلاة !!!
وأنا في طريقي للوقوف في الصف قلت: ما شاء الله سامي بيصلي .. وكبّرت على طول ودخلت في الصلاة... فما كان من سامي إلا أن رد وهو في الصلاة قائلاً: دي حالتها من غير وضوء ..

بيحكي عبدالعظيم أحمد الطيب انه خاله المرحوم ود الأزرق كان غالباً ما يصلي المغرب جماعة في البيت أو أمام البيت معهم أو مع ضيوفه وزواره ... وفي ذلك اليوم تطوع عبدالعظيم ليصلي بهم إمام ... فصلى الركعة الأولى بصورة سبح باسم ربك الأعلى ... وتحملها الخال ود الأزرق
وفي الركعة الثانية بدأ يقرأ بصورة الغاشية .. فما كان من ود الأزرق إلا أن رفع عصاته ولكزه بها في ظهره .. فبادر عبدالعظيم بتغيير الموجة إلى قل هو الله أحد ..

أحد أجدادنا العظماء يدعى عدلان ود أحمد ودحمد عليه رحمة الله ، كل يوم يجي من الخلا حبوبتنا الستية عليـها الرحمة ( زوجته ) تقوم تقول ليه ،، يا بو العدالين كر علي الراكوبة ما وقعت تاني أموووووووت ليك كان ما قمت رفعتـها لي ، تكرر الطلب عدة مرات ، ولمن زهج منـها قال ليـها يا الستية ما جننتيني الليلة والله ما بقدر ، قالت ليهو عليك النبي كان ما قمت بس المرة دي تقلا كويس عشان ما تقع عقباتن ،، قال ليـها والله يا الستية بعدا إلا أخت ليك ليـها حجر طاحونة،،،

مرة جا من الخلا كالعادة ،، صلى وأخد ليهو إنبطاحة في ضل العصر ،، الستية جابت ليهو الغدا قام يا الله ويامين ، وقعد ياكل ، وكل ما ينشن ليهو على حتة لحمة يلقاها غضم ،، كورك ليـها ،،، يالستية عليك النبي الجاب ليك اللحم دا منو ؟؟

قالت ليهو جابو لي نسيبك ابراهيم ود أحمد مالو !! قال ليـها يالستية بالله عليك ابراهيم ود احمد دا في زول عاقل برسلو لي لحم ،، وهو كان بعرف يعزل اللحم كان بعرس نفيسة أختي ،،

الأخيرة :

لما كان على فراش الموت ،، لاحظ الستية والجماعة يخشو ويمرقو يضايرو في الواطة ،، ناداها وقال ليـها أها يالستية الحمد لله قشيتو اشللة ،، وضايرتو الحوش ،، ونضفتو العيش عليكن النبي أكان ما جيتو خنقتوني ،،

استاذي حسن وراق.مرة اتلمينا مجموعة في صاج السمك لزوم الفطورطلبنا السمك ومشينا الجزارة انا والاخ هاشم كبيرنجيب اللحمة من الجزار معتصم تسوما هاشم قال ليهو ادينا ثلاثة كيلو, معتصم قطع ليهوقطعة فيها حوالي اثنين كليو ختاها في الميزان ورجع وقف عند التحمة التي كانت تبعد شوية من الميزان وبقي يقطع في قطع صغيرة ويجدعها في الميزان قطع ليهو حوالي خمس اوستة قطع وماتمت الثلاثة كيلو قام معتصم قال لهاشم كبيرانت الميزان دا مالواليلة ماعايز ينزل ؟هاشم كبير عاين ليهو شديد وقال ليهو ينزل كيف ؟ وانت من الصباح شابكو دوهات....ماتديهو حاجة كبيرة عشان ينزل ....................

حسن وراق حسن كتب:

[img][ندعوك للتسجيل في المنتدى أو التعريف بنفسك لمعاينة هذه الصورة][/img]
الطيب عطا
من الشخصيات الطريفة يستخدم اللغة العربية بطريقة سرياليةذات مرة حظه السعيد قاده الي حفل احد الكبارات مع صديق له في الخرطوم وبدا يحكي لشلته في الحصاحيصا:
والله ياجماعة ما طالبني حليفة.. فنطاز بتاع بيرةوسبتي تنك بتاع فطائر و منهول فراخ!!

والله ياجماعة لينا زمن ماضحكنا من الاعماق بنضحك مجاملة للناس التحية لك الاستاذ حسن وراق
تخريمة :
والله ياجماعة مشتاق لى لى جبنة فى موقف طابت ولا فى شجرة الخالة عشة قصاد موقف اركويت جوار صيدلية ام المؤمنين

عوافي
وما زلنا مع العم هاشم كبير
(عمك هاشم جاهو شحاد في البيت قال ليهو عايز جلابية دخل البيت جاب ليهو جلابية جديدة مكوية
تاني يوم في نفس المواعيد جاهو الشحاد ذاتو هاشم سالو انت مش جيت امس تاني عايز شنو
الشحاد قال ليهو دايرجلابية حقت امبارح سرقوها مني قام قال ليهو يعني اديك جلابية ومعاها عسكري)
Very Happy

ابو نورا كتب:

التحية لك يا أستاذ حسن
في رمضان كان الفطور قدام البيت وبعد ما خلصنا دخلت البيت أتوضأ ورجعت أحصل الجماعة على الصلاة فوجدت سامي أخوي واقف يصلي واستغربت لأنه ما كان متعود على الصلاة !!!
وأنا في طريقي للوقوف في الصف قلت: ما شاء الله سامي بيصلي .. وكبّرت على طول ودخلت في الصلاة... فما كان من سامي إلا أن رد وهو في الصلاة قائلاً: دي حالتها من غير وضوء ..

والله قوية ..................................... مع خالص حبي

حسن وراق حسن كتب:

[/center][/color][ندعوك للتسجيل في المنتدى أو التعريف بنفسك لمعاينة هذه الصورة]
[b]
عمر فضل الله

color=red][center][b]عمر فضل الله والشهير ب (( خطاب) من اوائل المراسلين الرياضيين بالصحافة . رجل يمتاز بخفة الدم وحضور البديهة. فوق كل ذلك رجل ذواقة في اي شي كفر ووتر والاهم يعرف كيف يأكل. كان يدير مطعم (( بتاع عثمان فضل السيد)) جاءه ذات مرة محمد مصطفي من مواطني الحلة الجديدة وبدأ يسامر ويتحدث مع عمر الذي يوصف لمحمد في الطعام الجيد وكيفية اعداده.. قام محمد طلب من عمر ان يطبخ ليهو عكوة(ضنب التور) بطولها دون ان يقطعها في شكل ضلعة فاستغرب عمر فضل الله وقال لمحمد مصطفي والله عكوة بي طولها الا انجضها ليك في صبابة؟؟؟[/

عمر فضل الله رجل يمتاز بحضور البديهة ولا تمله ابدا كلما احضر الي الحصاحيصا ابحث عنه و اجلس اليه ليبدد عني الوعثاء والدبرسة وغربة الحصاحيصا..فتح مطعم للفول بالقرب من مطعم شيكان عزمني علي وجبة فول وهو يعلم مدي غرامي بابو الافوال وزبط الفول و وبدأنا ناكل سويا ,, اردت من الرجل الذي يعمل معاهو ان يمدنا ببعض الزيت وهو من ابناء العباسية تقلي رجل كبير في السن .. سالت عمر وقلت ليهو عمك الشغال معاك دا اسمو منو ؟؟
رد عليّ وقالي لي
اسمو أبكر لكن ملقب نفسو ب (عصام)
عليك الله شوف الهملة الجات لي اسم عصام

حسن وراق حسن كتب:

[ندعوك للتسجيل في المنتدى أو التعريف بنفسك لمعاينة هذه الصورة]
الخير ابوحجل ..الخير ودعلي .. الخير ود التليل..ابوعزة .. ابو مروة .. الخير العب.. الوافر ضراعو .. تعددت الاسماء والخير واحد من اهالي صفيتة في شرق الله البارد استقر في الحصاحيصا احبها واحبته تراهو في كل مناسباتها ( قدامي) يعرف الواجب تماما بالاضافة الي الكثير من صفاة الشهامة والرجولة..له الكثير من الطرائف..
حضر الي ذات مرة في المطعم وطلب ساندويتش سفري.. تم احضار الساندويتش له ملفوف في ورقة .. رفض ان يأخذ الساندويتش ملفوفا في الورقة وطلب مني ان انزع الورقة واضعه له في كيس.. عندما سالته عن السبب وهذا الاصرار؟؟ رد عليّ قائلا: انت شيوعي ود حرام وان راجل امي ما بعرف القراية ولا الكتابة تكون لافي ليّ الساندويتش دا في منشور ضد الحكومة توديني في ستين داهي؟؟؟

الخير ود التليل بحكم عمله في السمسرة وجد احترام وتقدير من الجميع لصدقة ويقوم بهذا العمل من باب خدمة واحيانا كثيرة لوجه الله لذلك كل اهل الحصاحيصا والذين يعرفونه دائما ما يستشيرونه ولهذا تجده يجوب السوق عنده محطات معينة ومن ضمنها دكان ودالبصير ( مكتب عمسيب ) وهنالك يجد كل الشلة ويعرف اخبارها ويتفقد الغائب وفي ذات مرة كل ما يحضر المكتب لا يجدني ولا حتي في الحصاحيصا قام سأل عواطف عمسيب وقال ليها .. انتي (الشويعي) ودالحرام حسن وراق دا وين ما شايفو بس أوع يكون مقبوض والا معتقل ونحن ما جايبين خبر .. ضحكت عواطف وقالت ليهو ياعم الخير ،،حسن وراق سافر لمؤتمر في موسكو رد عليها متهكما يا بت اخوي مؤتمر شنو ؟ المسلمين يمشو مكة للعمرة لكن الشويعي دا العمرة بتاعتهم في موسكو !!

ياجماعه ممكن نخش معاكم طرايف فنيه
مره كانت عندي حفله في بيت استاذ بشير ادم وكان المزيع الزي يقدم الحفل حسن الدرديري ومسك المايك وبداء اقدم فين فنان الشباب الفنان الواعد وكنت عامل لي شكله في دار الرياضه مع عبد المنعم عبد العال وكان حسن الدرديري حاضرها وبعدين اظنه وهو بقدم فيني اتزكر الشكله وقال نقدم لكم الفنان االزي اذا تكلم اسمع واذاضرب اوجع.

عبيد عبدالله الشهير بعبيد الرقعة رجل رقيق وفنان مرهف من اوائل عازفي الكمان في السودان مع رفيقة بدر التهامي من اوائل الذين عملوا في شركة الرش بالجزيرة والتي تعرف باسم شركة البست كنترول والتي عمل فيها ثلة من ناس الحصاحيصا المرحوم بدوي عمر مناع ، المرحوم احمد جاداللهوآخرين سوف نتطرق اليهم في مكان آخر.
عبيد الرقعة مشهور عنه عدم حبه للاكل كان من المدخنين وعندما حدثت ازمة السجائر عند قيام الانقاذ دخل السجائر البرنجي وهو الصنف الموجود الي السوق السوق الاسود وتم توزيعه عبر قنوات التموين علي الاحياء السكنية ولكنه سرعان ما يتسرب الي السوق السوداء . احتدمت الازمة واصبح عبيد بدون سجائر وهو لا يستحمل ان يكون بلا سجائر ليذهب الي الاخ محمد محجوب الضابط الاداري لمدينة الحصاحيصا و مسئول التموين وطلب منه ان يسعفه ببعض السجائر اعتذر له محمد بان السجائر الموجود حق الاحياء وهنا بادره عبيد بسخريته المعهودة ..يا محمد يا ابني اديني من حق الاموات