طبعا ياجماعه اختكم ايمو شي مابتعرفو في المطبخ
فلو تكرمتن اخواتي الجميلات الحصاحيصيات
بانكم ثقفوني تكونو ماقصرتو
المهم في الامر اعرف مامعروف الظروف امكن اكون
رمضان الجاي في بيتي هههههههه
نبتدي بالطعميه هنويه عندها طعميه خطيره
طبعا ياجماعه انا ماللدرجه دي مابعرف حتي الطعميه لا انا عايزه احسن حاجه
عشان اتعلم من الاول كويس

تحياتى ايمو ... طبعا المطبخ لهنويه وبعض الحابين يشتركو معاها نحنا ما عايزين نحدد الحاجه ده لفلان الكل يشارك فى المجال البحبه والراغبه لكن هنويه شايفاها خطيييييييييييييييييييره وينكم يا ستات البيت ؟؟؟؟؟؟؟؟

أم مازن انا موجودة بس اتشغلت عنكم شوية

لكن ماشاءالله عليكم ما قصرتو

خشيت عشان أشوف طبق الهناء ، يا أيمو غشيتينا بالعنوان ده

المقادير:
3م ك بصل مجفف مطحون ناعما،2 م ك لحم العجل المجفف ومطحون ناعما
2 كاس زبادى (زنة الكاس 500 جم)،3 م ك دقيق
نص فنجان فول سودانى مطحون ناعما (تحميص خفيف)
3م ك زيت ملح، فلفل،ملقعة سمن بلدى (او زبدة
الطريقة:
فى قدر يوضع البصل واللحم وكوب من الماء على النار
حتى يبدأ فى الغليان ويضاف الملح والفلفل ويترك لمدة 3 دقائق
يخلط الدقيق مع الزبادى جيدا ثم يضاف الى الخليط السابق
ويحرك حتي يغلظ قوامه ويبدا فى الغليان (يمكن اضافة 1/4 م ص ويكة)
تخفض النار ويترك لمدة 7 دقائق
يذاب الفول بقليل من الماء ويضاف اليه مع التحريك لمدة 2 دقيقة
تضاف السمن ويرفع من على النار
يقلب كل دقيقة حتى تهدا حرارته (حتى لا تتكون طبقة جامدة عل السطح )

العصيدة:
عجينة الكسرة السودانية المخمر المصنوع من الذرة النابتة
يكون قوام العجين سائلا نوعا ما
يوضع قدر عميق يوضع 2كوب من الماء مضاف اليه الملح
يرفع على النار حتى يبدأ فى الغليان
يضاف العجين الى الماء المغلي وهو على النار مع التحريك بخفة
حتى يغلظ قوامه ويترك على النار مع التحريك حتى ينضج
ويمكن اضافى الماء اذا كان القوام غليظ جدا
تحضر قوالب يمن مسحها بقليل من الزيت أو تبلل بالماء
تصب العصيدة فى القوالب وتترك تبرد
فى طبق عميق تقلب العصيدة ويضاف اليها ملاح الروب

يا ايمو والله كأنك بتعرفي تطبخي

ماشاءالله وطوالي بديتي بالعصيدة وملاح الروب

محمد جرب ومحتفشلش صدقني

[quote="emoo"]

ام مازن كتب:

تحياتى ايمو ... طبعا المطبخ لهنويه وبعض الحابين يشتركو معاها نحنا ما عايزين نحدد الحاجه ده لفلان الكل يشارك فى المجال البحبه والراغبه لكن هنويه شايفاها خطيييييييييييييييييييره وينكم يا ستات البيت ؟؟؟؟؟؟؟؟

طبق الهناء مامقصود انو لهنويه مقصود طبق الهنا [/quoteانا فاهمه عنوان الموضوع يا ايمو لكن انتى بتقولى ما عندك خبره حاتتعلمى فينا ولا كيف ؟هههه

ام مازن ده ماليكم انتو انتو المفروض تملوهو شحدتكم كلكم ماكتبتو
هبه رصت لينا المطبخ كلو وهنويه رجعت عاشقات المطبخ وانتي بترشي بهناك
قلت مدام مافي زول معبرني النملاهو براي
بعدين بشوف الحاجه بتعمل في شنو وبجي بختو ليكم
بعدين انا ماعارفه الادمن ثبتو لشنو؟

بصراحه انا محيرنى التثبيت !!!!!!!!!!!!!! وعلى العموم مدام بتشوفى الوالده نحنا راضين وبنطبق كل البتقوليه