يالملكه ماك متزعمه ياساريه فى الزمن النحل ياضل على البلدات رمى يالكادحه من أجل الوليدشان راسو إصبح فى السما و يالفوقا ماف غير الله شئ وحتى الله زاتو معظماوالجنه أيه تصبح معاك أرخص وأقل من مقدما و دايساها بين كرعيك حبت فى قاع مدايسك مرغمه و يايمه شوق قطع حشاى واوجعة الدمع الهماإشتقتا لى مطر الخريف وكتين حفايرو إحزماوبهيمنا فر تال التبر أماتو واردات الضما كوعتا فوق العنقريب بتشرف العيش اللتيب والعفرا تتقاطا الرحل منظر دواخلى يأزمامرصوص متل عقد الكنارمنضوم على جيد السماإتحكرتى فوق بنبر حطب قهوة ضحا وجلسة لماخيلانى وأعمامى الكبارخالاتى والجد العمى ونسه وصراحه وقرقرابمتفائله بالضل الرماو التايا بت عوض الكريم المالكا قلبى مقسما منصره فى طرف الصريف نادتنى هيي أصبحتو كيف ؟؟بيناتنا شاشاق الحطب همساً دقاق مو همهمه قالولكن الليله أمى مكرمه طرزتا ماراعيت كبيرعاد تايا كيف ؟؟ وإنشاالله خير!!قاتلى شديده وإلا عيب وسط الرجال بتناغما وتب قبلت ماشفتا غيركفلاً رطن كاجر الطريحه محشمه إلا إمى واضيعة رجاكمن ولدك الطشطش عماأنداح تبع زخم المدنضيّع بداوتو وحطماوسلام من البلد السجم سموها يمه العاصمه ويايمه ولدك ضاع خلاص تايه مبارى العولمه ماياهو ضرغام الرجال الكان قبيلتو معظما وياحليلو روبك والسمن ياحليل لذايذ الأطعمه ضوّق لسانى طعم جديدبيرغر .. وجامبو المفرمه ومعدتى ذاتا إطوطوت ما أظن عصيدتك تهضما خدعتنى كندشة الوهم حمام وريحه وهندمه راجيانى فوق النار أقع ؟؟وأنا هالشمس مابلزما !!دايرانى فوق دلوكه أهز ؟؟راجيانى أسل سيفى وأرز ؟؟وألعب مع التوم ود حمدصقريه درقه محكمه !!وأنا داك بقيت سيد الرقيص مرات قرد ..مرات كتيفتى أبرما دايرانى بى سوط العنج أركز مع السر وادما ؟؟ إنفره سروالى البجر أربط بتينتى وأحزما شبال من التايا وأهزطاقيتى شنقا وأقرما وفوق ضهرى داداب العنج وأصفاحى نازفات الدما أيمه ولدك ضاع زمان زمان وحكايتو بقيت مؤلمه باريت لؤى وقصى ومى وين تانى كاكوم وادما !!ضهرى الممسح بتلصف راقد لحايفو منعمه ما أظنو بتحمل لبع والخرشه ماأظن بلزما سروالى ماياهو القبيل سديريتى جكه مجضمه حاجات مجبصه كلهاوطاقيتى كاوبوى وإنما والكاوى قلبى وشاوى شى كان شفتى واحده مقرضمه لابسه البناطلين زيناوالله ماتفرزيها تب كان فارده شنبه تبرما !!! لكنو مهما الزول بعدحكايتو القبيل مابهدما جاييك وشايل بقجتى جواها ورقه مختمه أياهو حلمك وجبتو ليك داك جمه ريقى من الظما بتمنى من الله الكريم إمد أيامك وإقدما وتحجى فى كل عام إهل وتعودى سالمه وغانمه يايمه وتعودى سالمه وغانمه

يا يمة رسلي لي عفوك ينجيني من جور الزمان

والله يا أحمد كلام يقطع القلب والله كان امي ما قاعدة جنبي

وهديك شايفاها نايمة قدامي كان البكاء قتلني وما كان عرفت البسكتني

الله يخليهم لينا ويديهم الصحة والعافية ويطول في عمرهم يا قادر يا كريم

في الدنيا يوم م المك
ربنا احقق امانيك ياغاليه ورساله خاصه تحتوي علي كل اشواقنا الي الوالده العزيزه

تسلمو ياشباب وربنا يخلي لينا امهاتنا
والام هي:الجندي المجهول الذي يسهر الليالي ، ليرعي ضعفنـا ويطبب علتنـا ...
هـي الإيثار والعطـاء والحـب الحقيقـي الذي يمنـح بلا مقابـل ويعطـي بلا حـدود أو منــّـة
هـي المرشـد إلي طريق الإيمان والهدوء النفسي
هي المصدر الذي يحتوينا ليزرع فينا بذور الأمن والطمأنينة
وهي وهي وهي وهي,,,...........امي