ركود وملل شديد ولا يوجد جديد بخلاف جديد المهاترات مماجعل المنتدي يفقد طعمه وفائده لدرجه تجعلك تدخل كزائر وليس كعضوولك التحيه اخي الرشيد

رمضان كريم
على مستوى العنصر النسائى
ناس فى التهجدوناس فى المطبخ مع الخبايز وناس فى السوق مع العيال وناس مع النظافه وناس ساكه الترزى تمم على جلابية الراجل

انتو وين تنومو تلقو الصينيه جاهزه للافطار والخبيز جاهز والهدوم جات من السوق والبيت اتنظف والجلابيه جات من الترزى وكمان تكوركو لو الطاقيه مافى

عاد اعملوا شنوا
لكن انشاء الله سيعود المنتدي الي م كان

اخى / الرشيد حبيب الله
كيف حالك ورمضان كريم
والله احترنا نعمل شنو مع ناس المنتدى
كتبنا الجديد لما بقى قديم
وماشفناهم ردوا ولا ناقشوا
ورجعنا القديم عشان يكون جديد
برضو هم على ماهم
والغريب احيانا يكون المتواجدين حوالى 36 من عضو
لزائر
يعنى بس الواحد يفتح الجهاز ويدخل المنتدى عشان اقراء بس
لو كلوا واحد كتب كلمتين فى كل بوست كان بكون فى حركة
ولكن .......................ركوض زى ده والله شئ احير
دخولك ومشاركتك بكلمة كلمتين يعنى دعم كبير للمنتدى
فلماذا لا تشارك ولماذا لا تكون ذو همة وتدفع المنتدى للامام
على قدر الاستطاعة
لا نريدك ان تكتب صفحات
بل نريدك ان تكتب كلمة كلمتين
واعتبر ذلك واجب عليك اتجاة المنتدى
اصحوا .... شاركوا .....ناقشوا ....تفاعلوا
رجاءا
المغربى

الاخ/ الرشيد الكتابة عاوزة مزاج الواحد لايستطيع ان يكتب وهو جائع
نهارا ولايستطيع ان يكتب ليلا وبطنه متخمة بموية الابري
مع فتور عام في حركة الجسم ولكن في الفطر سوف ينشط المنتدى باذن الله

سريعا علينا العودة