يا جماعة دايرة زول يوريني الحاصل شنو ويفهمني ممكن ده يحصل

تخيل انك وثقت في إنسان واصبح بالنسبة ليك صديق عزيز لا يمكنك التخلي عنه

وكان قريب منك لدرجة انك كنت تشعر بأنه هو الوحيد اللي ممكن يحل ليك مشاكلك وهو

الوحيد اللي ممكن تلجأ ليه لو حسيت بأي معضلة وانو أصبح مكمن أسرارك وشايل همومك

وبيسمعك بإصغاء...و...و....

وفجأة تكتشف ان هذا الشخص اسؤء إنسان وانو ليس أهلا للثقة وانك كنت غلطان في علاقتك

بيه وتكتشف انو كل الكلام الكان بينكم في يوم من الأيام كان بمثابة تسلية بالنسبة ليه وانه

يعتبرك شخص ما منو فايدة وانك مجرد إسم مر به من بين آلالاف الأسامي والشخصيات

مع العلم بأن هذا الشخص أعطاك كل الأمان لكي تثق فيه دون أن تشك في يوم من ألأيام

انو ممكن يغدر بيك .........

في الحالة دي ممكن الواحد يعمل شنو

كدي يا جماعة وروني انا غلطانة اني وثقت في الشخص دا

هل أصبحت الصداقة والثقة في هذا الزمن معدومة لهذه الدرجة

أم إنه غباء وعدم تميز للسيئين ي من حولنا ....................

هنوية .. حزنت لك ما حزنت لاخرين مثلك ..

احيانا لا نحسن الاختيار .. واحيانا نرتاح لاناس يهتمون بنا وباشيائنا الداخلية فيصبحوا مكمن لاسرارنا .. ولكنهم ليس أهل لذلك .. ونكتشف ذلك بعد فوات الآوان
الانسان بطبيعته يتجمل للشخص الامامة بغض النظر عن الجنس(كان ذكر ام انثي) لذلك واجب علينا كلما اقتربنا كلما ذات تفحصنا لميزات هذا الشخص ...
اما الاسرار فهذه من الاشياء اللي لازم الانسان يخليها في الاخر ..
....
هنوية هذه الحياة فيها الصالح والطالح
انصحك بان تستفيدي من التجارب وان كانت سيئة ففيها عصارة الدرس لاشخاص أُخر .. حينها لن تندمي

لك كمية من الدفء عله يخفف عنك

هنوية ياعسل
اؤيد كلام بت امها
فعلا يا هنوية الحياة فيها الصالح والطالح والفالح من استفاد من تجاربه
وما تندمي على الفات ودا ببقى ليك عظة
والزمن دا يا هنو ما اي زول بيستاهل الثقة دي مهما كان ثقتك بالناس خليها غالية وما تديها لي زول سريع
لانو انا معاكي الصدمة حااااااااااااارة
والاحر انك تتخدعي في انسان كنتي مدياهو مكانة عالية وفي النهاية هو ما يسوى اي شئ

الاهم العظة ياهنو والاستفادة من التجربة وكل قصة بتمر علينا فيها درس وفائدة

واقع مرير اعيشه مثلك ولكن يجب ان نستفيد من اخطائنا

هنويه انا ما شاطرة في مسالة اواسي حد, رغم ان القصه مؤلمه
بس انا سعدت انك تحملين كل هذه المشاعر الطيبه ومن الطبيعي
ان تزعلي, والماطبيعي ان المشكله تتمكن منك انت الاقوى
وانت الاحسن, واحمدي الله كثيرا انك مظلومه وليست ظالمه,
تعالي هنويه لاشياءك الجميله ودعيه,دعيها تذهب بكل اشياءهم
الي الجحيم,وللأبد..

هوني عليك ايناس وهوني عليها..
أن أكبر خطأ يصدرُ منا...حينمآ نكونُ كالكتآب المفتوح !!
عبارة اقف عندها كثيرا واتمنى ان اكون صندوق اسود
لاتري مابداخله..
في وصفه افيدينا..!!!؟

بت أمها ..رؤي.. ايناس.. رحاب ...محمد علي ..

بصراحة سعيده بكم بالجد ما كتير الواحد يلقي ناس زيكم يخففو عنه ..بالجد استفدت منكم كلكم.. وربنا ما يحرمني منكم ...

هنوية لا تندمي علي انك صادقتي .. لانك من هذا المشوار تعلمتي علي الاقل كيف تختاري .. وكيف تكون حدودك .. فاحمد الله علي ذلك وان دفعتي الكثير فيكفيك انك لست نادمة علي ذلك وهذا هو الدرس الحقيقي
لك كل الحب

كعب الرفيق كان امنوه وخان وطالت المده وعيبو المدسدس بان
ربنايعين الجميع