نبحن كلاب الحى
فى جيتك البارح
نضمن نساء الذات
وات بعيد سارح
تشرب كما اشللة
فى ظل مطر مالح
ولدا فتى وتريان
مبسوط ومتصالح
مع ذاتك الكحيان
وقمة عقلك الراجح
فيا زول تعال بدرى
قبل الغمام يرحل
قبل الطشاش ينداح
فى خيمتك ان قيل
واصلوا الصباح ممحوق
من يوم شفق الشمس وحل
فى هذا الفراغ امتد
صوت شعاعك المنجل
هذا الحاضر الغائب
بل هذا المشترك أصلا
او قل بلا عفوا
تركناك لى الظروف شاشوق
خليناك مكان الظن
واصلو البظن أجمل
فلا تخيب ظن البسوقن ليل
اذا الصبح البهى اتمهل
ما خيب رجاك الغيم
حين كتف الغناء اتنيل
ولا راجت الدمعات
واتكت الهموم أنبل
فيا سارق مسارب الضى
عرج بالحنين اهات
كفكف منى كل الشوق
وصحى في عيونك الدمعات
وكما ان الحزن بطلع
كمان من اهة بتطلع الفرحات
قسم للفراش شربات
عقبال ما تفرح النجمات
وعقبال ما يفيق الغيم
ويداعب فى صبحك النسمات